2 CATERING FERROLTERRA - PINTURAS COLORMIX 7

Chegaba con moitas ganas o equipo fenés de poder dar a sorpresa e colarse na final da copa, pero finalmente non puido ser. Aínda que o encontro empezaba poñéndose de cara para o Catering Ferrolterra gracias a un gran centro de Krispy e boa definición de cabeza de Manu. Pero as ilusións duraron pouco cando o campión de liga empatou ao pouco do gol e despois deulle a volta ao marcador cun gol de falta. Antes do descanso os feneses tiveron a gran oportunidade do partido cun doble-penalti, pero nin así o balón quixo entrar.

Na segunda metade o Catering Ferrolterra saiu a darlle a volta ao marcador, pero os riscos tomados levaron acompañados contrataques do Pinturas Colormix que acababan en gol. Así chegaron varios goles do probablemente mellor equipo da copa, ata o 7-1. Finalmente o Catering, que non deu o partido por perdido en ningún momento, marcou o segundo gol, obra de Justo. Nin o porteiro-xogador nin as ganas dos feneses puideron co gran equipo local.

Con esto remata a temporada do Catering Ferrolterra en As Pontes. Según palabras do Presidente, Rubén Justo, o equipo está xa preparando novas metas na Liga Local de Ferrol, co nome de Deportivo de Fene. Pero antes deso poderemos velos na Liga do Roxal, por segundo verán consecutivo.

2 CATERING FERROLTERRA - BARBARROJA 2 (8-7)

Unha das eliminatorias máis igualadas dos cuartos de final da Copa presentábase neste partido, entre dous equipos da zona media-alta da liga.

O partido comezou con moito ritmo e varias ocasións para os dous equipos, que finalmente non se materializaron en gol, ata que nun contrataque rápido do Catering Ferrolterra un balón largo deixou a Justo só diante do porteiro rival, ante o que non perdonou.Cando mellor estaba asentado o equipo fenés na pista, unha falta ao borde da área a favor do Barbarroja rematou colándose na portería do Catering. Finalmente, nos últimos minutos antes do descanso o Barbarroja lograba darlle a volta ao partido nun contrataque que colleu aos feneses desprevidos.

Na segunda parte, o Catering non quería perderlle o pulso ao partido, e buscou por todos os medios o empate. Sucedíanse as ocasións dun e doutro equipo ata que unha gran xogada de Justo pola banda acabou cun gran centro e a boa definición de Antonio para empatar o encontro. A partir dese momento veuse un xogo moito máis lento, notándose o cansancio dos dous equipos, que especulando co resultado pedían xa o remate do partido. O Catering Ferrolterra tivo unha gran ocasión no último minuto, pero tras varios disparos de Javi e de Justo o balón non quixo entrar. Con esto, chegábase ao final dos 50 minutos.

A tanda de penaltis fíxose moi longa, xa que tanto o Catering Ferrolterra coma o Barbarroja non cedían nos seus disparos, ata que ao oitavo penalti, o Barbarroja fallaría; dándolle ao Catering Ferrolterra unha meritoria plaza nas semifinais.


O próximo domingo O Catering Ferrolterra medirase nas semifinais ante o campión de Liga, Pinturas Colormix, ás 16.30 h. Despois, ás 20.00 h. será a final da Copa.

10 CATERING FERROLTERRA - MATOJOMA VENUS 5

Chegaba a copa para o Catering Ferrolterra, que lle tocou no sorteo da fase previa ante a gran revelación da liga na segunda volta, o Matojoma Venus.

Comezaba o partido con varias ocasións do Catering pero sen sorte de cara a portería, ata que aos 10 minutos  da primeira parte un gran pase de Manu e unha gran definición de Justo abrían o electrónico. Acto seguido, Manu marcaría o 2-0. Coa ventaxa de dous goles, un erro infantil da defensa do equipo fenés costoulles o gol do Matojoma Venus, que se metía no partido.Co resultado de 2-1 chegouse ao descanso.

Nada máis comezar a segunda parte o Catering saiu a por todas, marcando 3 goles en poucos minutos. Co 5-2 no marcador, empezáronse a suceder as ocasións e os goles, por parte dos dous equipos.Pero o Matojoma Venus, a pesar de mellorar a súa puntería non logrou meterse no partido en ningún momento, co que o Catering Ferrolterra certificaría o pase á seguinte ronda cun resultado final de 10-5.

O próximo domingo ás 18.00 h. O Catering Ferrolterra enfrontarase ao Barbarroja, loitando por un posto nas semifinais de Copa.

GOLES: MANU (4), ANTONIO (3), JUSTO (2), JAVI

I Torneo "Asociación Deportiva Juvenil de Fene"

Invitámosvos a asistir ao I Torneo de Fútbol Sala organizado pola Asociación Deportiva Juvenil de Fene. Será o próximo sábado 2 de xuño a partir das 9.00 h. no pabellón de O Ramo(Barallobre)

Os grupos sorteados cos equipos participantes son estes:

GRUPO A:

PROMACER
AUTOM.AUMÁN
SENTIMIENTO AMARILLO

GRUPO B:

DEPORTIVO DE FENE
OLYMPIQUE DE NARÓN
DIOSIÑO FC

O calendario completo do torneo é este:

9.00    PROMACER & AUMÁN
10:00  DEP.FENE & OLYMPIQUE
11:00  PROMACER & S. AMARILLO
12:00  DEP.FENE & DIOSIÑO FC
13:00  AUMÁN & S.AMARILLO
14:00  OLYMPIQUE & DIOSIÑO FC
15:00  DESCANSO
16:00  SEMIFINAL 1: 1ºA & 2ºB
17:00  SEMIFINAL 2: 1ºB & 2ºA
18:00  DESCANSO
19:00  3º E 4º POSTO
20:00  FINAL

A entrada é gratuita

Esperámosvos!!

3 CATERING FERROLTERRA - A FERVENZA 4

Chegaba a última xornada da liga, e o Catering Ferrolterra con case todo o traballo feito para rematar na sexta praza. Só precisaba un empate, xogando de novo con 5 xogadores, coma a semana pasada.

O partido comezaba igualado con ocasións para os dous equipos ata que aos 10 minutos A Fervenza abría o marcador. O equipo fenés non se rendiu e buscou o necesario empate, ata que a falta de 5 minutos para o descanso logrouno cun gol de Justo. Con esto chegábase ao descanso co empate necesario para o Catering.

A segunda parte seguiu moi ben para o equipo fenés que lograba darlle a volta ao resultado cun gol de Manu.Pouco despois A Fervenza empataría de novo, pero pouco durou o empate, xa que unha pillería de Javi nunha falta acabaría cun novo gol de Justo para poñer o 3-2 favorable ao Catering Ferrolterra.

A partir de ahí foi onde se notou o cansancio dos xogadores do Catering, e A Fervenza aproveitou para empatar o encontro. Finalmente a falta de un minuto, A Fervenza lograba o cuarto e definitivo tanto que os facía arrebatarlle a sexta praza ao Catering Ferrolterra.

Así o Catering remata na séptima praza tras a última derrota.

A semana que ven comeza a fase previa da Copa, na que o Catering xogará ante a revelación da segunda volta da Liga, o Matojoma Venus.O partido será o próximo domingo 27 ás 16.00 h.

Partido complicado para os feneses, que se gañan enfrentaranse na seguinte fase ao Barbarroja. Os tres primeiros clasificados pasan directamente á seguinte ronda.

7 CATERING FERROLTERRA - TIKI-TAKA 4

Presentábase este fin de semana ca difícil tarea de derrotar ao quinto clasificado da liga, un Tiki-Taka que xa lle gañara na primeira volta 5-2. Esto complicouse máis debido ás numerosas baixas que fixeron que o equipo fenés afrontara o encontro con só 5 xogadores.

Aínda así o partido púxose de cara desde o principio cun tempraneiro gol de Manu. Pouco despois o Tiki-Taka devolvería o empate ao marcador, pero Manu voltou a dar ventaxa ao Catering con outro tanto. Isto ata falta de 6 minutos para o descanso cando nunha nova xogada elaborada por Manu, éste encontraba libre de marca a Justo que marcaría o 3-1.

Na segunda parte Antonio marcou o cuarto nada máis comezar, que parecía que sentenciaba o encontro. Non obstante, o Tiki-Taka meteu o medo no corpo aos feneses con dous goles seguidos que poñían o resultado nun perigoso 4-3. Ahí foi onde o Catering sacou a súa mellor versión para marcar dous tantos máis, obra de Manu e Antonio. Xa case ao final un novo gol do Tiki-Taka e outro de Antonio para o Catering rematarían o partido que acabaría co resultado favorable a estes últimos por 7-4.

Desta forma, o Catering afronta a última xornada dependendo de sí mismo para lograr a sexta praza na clasificación. Xogarase ese posto ante o que ocupa a sétima praza agora mesmo, A Fervenza, nun partido que promete ser intersante.

3 NO PING LAS TORRES – CATERING FERROLTERRA 9

Partido a priori fácil para o Catering Ferrolterra pero engañoso no seu resultado, xa que o partido comezou moi igualado ata mediada a primeira parte que Manu con unha gran xogada persoal abría o marcador. A pesar deso, un erro da defensa do Catering provocaba o empate rápidamente. Houbo ocasións, pero non puideron materializarse en gol polo que se chegou con empate ao descanso.

Nada máis comezar a segunda parte dous goles de Antonio e Krispy decantaban o partido cara o equipo fenés. O No Ping Las Torres recortou diferencias ao momento, pero a partir de ahí volveu a sentirse o vendaval Antonio que a base de goles acabou cas opcións do equipo rival ata chegar ao resultado de 2-8. Finalmente o No Ping Las Torres marcaba o terceiro gol, e case ao final do encontró Justo marcaba tras asistencia de Krispy o definitivo 3-8.

Desta forma o Catering Ferrolterra sigue empeñado en acabar o máis arriba posible a temporada. Todo parece indicar que se xogará a sexta praza nas dúas últimas xornadas co Nodo Dixital e A Fervenza, co que ten un decisivo enfrentamento directo na última xornada. 

1 CATERING FERROLTERRA - PINTURAS COLORMIX 2

Tras o parón de varias semanas na liga, chegaba o Catering Ferrolterra ca misión imposible de poñer en apretos un indiscutible líder, Pinturas Colormix, que con unha victoria deixaba case finiquitado o título.

Pero a presencia do Presidente do club Aniceto no palco motivou aínda máis si cabía a un equipo que se deixou a pel na pista. Comezaba o partido moi igualado, con ocasións para o Pinturas Colormix, pero mostrando o equipo fenés unha gran solidez defensiva. Foi así ata que a falta de dous minutos para o descanso, unha pillería do Colormix, xunto a un gran erro do Catering provocou o primeiro tanto do partido. Cando xa parecía o Catering resignado, xusto antes do descanso unha gran asistencia de Javi e un disparo de Krispy lograban o empate no marcador.

A segunda parte volveu ter a tónica da primeira parte, moi igualada, ata os 7 minutos, cando o Colormix marcaría o 1-2. A partir de ahí, o Catering Ferrolterra arriscou máis, e tuvo varias ocasións para o empate. Tamén o Pinturas Colormix dispuxo de varias ocasións á contra para matar o partido, pero Rego salvounas unha vez máis. Os tres últimos minutos o equipo fenés sacou o porteiro-xogador, e tivo a mellor ocasión no último minuto, con un disparo de Justo que xa se cantaba gol, pero o porteiro do Colormix fixo unha gran parada que probablemente vale unha liga.

A próxima semana o Catering Ferrolterra xogará ante o No Ping Las Torres, buscando unha victoria que esqueza esta última derrota.

1 COTA CERO - CATERING FERROLTERRA 6

Presentábase o Catering Ferrolterra ca obrigación de non pinchar máis, e saiu a por todas ante un dos equipos da zona baixa da táboa. O partido comezou igualado, con ocasións para o equipo pero sen poder materializalas. Non foi ata a falta de catro minutos cando Krispy abriu a lata, e dous minutos despois Antonio poñía o 0-2 para rematar con este resultado ao descanso.

Xa na segunda parte, o dominio do equipo fenés fíxose moito máis claro, e aínda que puido encaixar algún gol nalgunha contra peligrosa, Rego fixo un gran partido na súa línea salvando todo o que lle viña. O Cota Cero veu como o "vendaval" de Antonio se acercaba en forma de goles. Ata en catro ocasións fusilou a portería rival para chegar ao resultado de 0-6. Finalmente a falta de 20 segundos o Cota Cero marcaba o 1-6, demostrando unha vez máis que é imposible para este equipo manter a concentración os 50 minutos que dura o encontro.

A próxima xornada tócalle descansar ao Catering, e despois a liga tomará dúas semanas de parón pola Semana Santa. O equipo volverá ao traballo o 22 de abril ante o líder, o Pinturas Colormix.

14 CATERING FERROLTERRA - LUJO CARLÍN 8

Partido con moitos goles o disputado este domingo polo Catering Ferrolterra e o Lujo Carlín. Un encontro que se presentaba complicado, polas baixas de Justo por sanción e de Manu e Antonio por lesión. A pesar desto, o Catering foi dominando o partido dende o comezo do encontro. Soamente cando o Lujo Carlín se achegou no marcador para poñerse 7-5 foi cando o Catering se veu mínimamente amenazado. Esta victoria ante o colista da liga fai que o equipo fenés volva saír reforzado desta xornada, e o próximo domingo buscará outra victoria ante o Cota Cero, ás 18.00 horas para seguir tendo opcións de acabar a temporada na sexta praza.

2 CATERING FERROLTERRA - BARBARROJA 3

Derrota axustada do Catering Ferrolterra ante o Barbarroja esta semana na liga de As Pontes. O partido comezou moi parello os primeiros minutos ata que aos cinco minutos o Barbarroja adiantaríase no marcador cun gol de falta. Pouco despois, nun erro defensivo do equipo fenés, o Barbarroja aumentaba a ventaxa a dous goles.

O partido estaba resultando moi trabado, e con numerosas faltas. Froito desto o Catering Ferrolterra disfrutou dun dobre-penalti que transformou Antonio antes do descanso.

Xa na reanudación, o Catering abalanzouse na busca do empate, pero nun contrataque un xogador do barbarroja marcaba a pracer só ante o porteiro. Despois Manu marcou o 2-3 que metía emoción no marcador, e o equipo decidiu sacar o porteiro-xogador.

A estratexia non saiu ben xa que noutra contra do Barbarroja Justo cometeu penalti e foi expulsado. O penalti non se traduciu en gol, e o resultado quedou cunha victoria por 2-3 favorable ao Barbarroja.

A próxima semana o Catering Ferrolterra terá unha nova oportunidade para lograr a victoria, ante o actual colista, o Lujo Carlín. Será o domingo 18 ás 16.00 h.

Resaltamos tamén a actuación do Catering Ferrolterra no "II Maratón Castelo Non Para" que se saldou cunha eliminación na fase de grupos, tras lograr tan só unha victoria en tres partidos. O equipo non logrou así, igualar o resultado do ano anterior, no que caera en semifinais.

1 NODO DIXITAL - CATERING FERROLTERRA 3

Tras a dolorosa derrota sufrida a semana pasada, o equipo fenés volveu dar esta semana o mellor de sí para derrotar a un dos rivais directos pola sexta praza, o Nodo Dixital ante o cal perdera na primeira volta.

O partido comezou igualado nos primeiros compases do primeiro tempo, sen goles, ata o minuto 9 no que chegou o primeiro gol do partido, para o Nodo Dixital. Despois de buscalo en varias ocasións, unha boa xogada de Isma e o remate de Javi lograron equilibrar o marcador a falta de 8 minutos para o descanso. Chegábase así co resultado de 1-1 ao intermedio.

Xa no segundo tempo o Catering Ferrolterra saiu con todas as ganas, para evitar outra derrota, e aos 5 minutos, Krispy, que aínda non se estrenara na presente temporada, lograba poñer ao equipo por diante. Desde aquí o Catering fíxose co control do partido, e para rematar o partido o pichichi do equipo Antonio poñería o 3-1. A pesar de que o marcador puido abultarse máis nos últimos minutos, finalmente o partido rematou co resultado favorable para o equipo fenés por 3-1.

A próxima semana o Catering Ferrolterra terá a súa cita semanal en As Pontes ante o Barbarroja, aínda que o evento importante da semana será a participación no "II Maratón Castelo non Para", en Culleredo.

3 CATERING FERROLTERRA - MATOJOMA VENUS 6

Cura de humildade a sufrida este domingo polo Catering Ferrolterra ante un dos últimos clasificados da liga, un Matojoma Venus que mostrou moita mellor cara que na primeira volta, que sufrira unha abultada derrota.

O partido comezou mal xa para o Catering cun tempraneiro gol do Matojoma. Ao pouco tempo, sin embargo, Héctor, que reaparecía tras a súa lesión, empataba o partido. Antes do descanso o Matojoma Venus poñía de novo a sorpresa no marcador, minutos antes de chegar ao descanso, poñendo o resultado de 2-1.

A segunda metade debía ser a da reacción do equipo fenés, pero lonxe deso o Matojoma aumentou a ventaxa ata o 3-1. Manu acortou distancias despois, pero pronto volveu o batacazo cun novo gol do equipo rival. Outro gol de Manu mediada a segunda parte daba esperanzas a un Catering Ferrolterra que decidiu sacar o porteiro-xogador co resultado de 4-3. Mala elección ésta neste caso, xa que esta decisión provocou que o Matojoma Venus en dúas contras marcara dous goles máis a portería vacía para consolidar unha gran victoria para eles.

Chega así unha dolorosa derrota, fruto do exceso de confianza do equipo tras a gran victoria da semana pasada ante o Muebles Eume. Este partido obriga ao equipo fenés a volver gañar algún partido máis ante os equipos de arriba si quere ascender na clasificación.

2 MUEBLES EUME - CATERING FERROLTERRA 5

Gran partido o disputado polo Catering Ferrolterra e o segundo clasificado, o Muebles Eume o pasado domingo. O Catering Ferrolterra chegaba a esta cita ca obrigación de gañar tras ver como se descolgaba o equipo das primeiras prazas.

O partido comezaba sen embargo mal para o equipo fenés, tras un tempraneiro gol do equipo rival. O Catering tuvo ocasións nos seguintes minutos para poñer o empate, pero a mala definición impediu que o partido volvera ao equilibrio antes do descanso. Chegaríase así ao intermedio cun axustado 1-0 para o Muebles Eume.

Na segunda parte, sorprendentemente o Catering saiu moi entonado, e aos cinco minutos empatou o encontro con un gol de Manu. Acto seguido, o Muebles Eume volvía poñer o resultado ao seu favor, pero Manu por segunda vez volvía empatar o encontro, demostrando unha gran definición.

Minutos despois, Manu completaría o seu gran partido marcando o seu terceiro gol con un disparo escorado dende fora da área. 

Co resultado de 3-2 e a falta de apenas cinco minutos para o final, o Muebles Eume buscou darlle a volta ao marcador co porteiro-xogador, pero tras un erro Javi poñía o 4-2 con un golazo dende o seu campo. Finalmente, xa co tempo case cumplido, o pichichi Antonio marcaría de falta directa o 5-2.

Por fin o Catering Ferrolterra consigue vencer a un dos equipos punteiros da liga, tras encontrarse con numerosas derrotas axustadas nas últimas semanas. Agora parece que este resultado pode ser un punto de inflexión para o equipo na liga. Depende dos xogadores que este resultado se traduza nunha escalada na clasificación.

A próxima semana, o equipo enfrentarase ao colista Matojoma-Venus, o domingo as 21.00 horas.

3 IES CASTRO DE UZ - CATERING FERROLTERRA 4

Sufrida victoria do Catering Ferrolterra ante o IES Castro de Uz. Un partido con moitas variantes que comezou con un gol tempraneiro de Javi tras un roubo de balón a media pista. O equipo rival empataría o encontro nun erro defensivo, e ao momento Antonio volvería poner ao Catering por diante no marcador. Xa no final da primeira metade, nunha xogada de córner o IES Castro de Uz lograba o empate a dous goles.

A segunda parte comezou igualada, sen dominio claro de ningún dos dous equipos, ata que no minuto 5 Justo roubou un balón dentro da área rival para poñer o 3-2. Cando mellor se vía o equipo, un disparo de falta colouse polo medio da barreira do Catering e acabou en gol. Xa con empate a tres goles, o equipo fenés volveu xogarse o partido ao porteiro-xogador. Tras varios minutos de incerteza, a falta de un minuto para o final, una pillería de Manu coa cabeza acabou no gol da victoria e na consecución de tres puntos importantísimos para o equipo.

6 CATERING FERROLTERRA - ESTANCO MARICARMEN 8

Mal comezo da segunda volta por parte do Catering Ferrolterra, que as prometía moi felices nos primeiros minutos xa que chegou a poñerse cun 3-0 a favor con goles de Manu, Antonio e Justo. O equipo relaxouse e chegaron dous goles do equipo rival, o segundo deles moi protestado polos xogadores do catering por unha posible cesión. Despois un gol de Antonio tras unha xogada ensaiada poñía o 4-2 e á xogada seguinte o Estanco Maricarmen volvía marcar. Finalmente, antes do descanso chegaron dous goles máis, un para cada equipo que deixaron o resultado de 5-4 favorable ao Catering ao descanso.

Tras o festival de goles do primeiro tempo, o Estanco Maricarmen saiu máis enchufado no segundo, dándolle a volta ao marcador con 3 goles en 10 minutos. Con 7-5, e a falta de cinco minutos para o remate, o Catering sacou porteiro-xogador, logrando o 7-6. Sen embargo as presas por lograr o empate provocaron un novo e definitivo gol do equipo rival que deixou o resultado final en 8-6.

Novo tropezo do equipo fenés, e a afición comeza a impacientarse ante a impotencia do equipo contra os rivales directos polas primeiras plazas da clasificación. Agora o equipo terá unha oportunidade de devolver a confianza á afición nas próximas xornadas. A primeira oportunidade será o próximo domingo día 12 ás 19.00 h ante o Ies Castro de Uz.

5 A FERVENZA - CATERING FERROLTERRA 5

Partido moi importante o que afrontaba o Catering Ferrolterra esta semana, que comezou mal encaixando un gol aos 5 minutos do comezo. A partir do gol o equipo mostrouse moito máis cómodo na pista e proba de eso chegaron dous goles de Justo e Antonio que deron a volta ao marcador antes do descanso.

O Catering comezou a segunda parte durmido coma case sempre e pagouno con catro erros defensivos que se converteron en catro goles. Co resultado de 5-2 en contra e sete minutos para o final, o equipo fenés sacou o porteiro-xogador. 

Con esta estratexia plasmouse una gran superioridade no xogo; e Antonio primeiro, e Justo despois (por partida dobre) empataron o encontro para deixar o resultado final nun empate a cinco tantos.

Así remata a primeira volta da liga para o Catering, ca sensación de que se perderon moitos puntos importantes que o deixan na oitava posición provisional.

O próximo domingo o equipo enfrentarase ao Estanco Maricarmen, ás 18.00 h.

2 CATERING FERROLTERRA - TIKI TAKA 6

Partido importante o que se lle presentaba ao Catering Ferrolterra esta semana, ante un dos equipos punteiros da liga, e nova derrota. O partido comezou ben para o equipo, con un tempraneiro gol de Antonio. Sen embargo aos poucos minutos o Tiki Taka remontou con dous goles. Isma equilibraría o marcador xusto antes do descanso.

A segunda parte empezou moi igualada, cos dous equipos moi seguros defensivamente. Xa a falta de 13 minutos para o final varios errores defensivos do Catering Ferrolterra desembocaron en catro goles do equipo rival.

Mal partido do Catering Ferrolterra que ve así como cada semana se alonxa dos postos de arriba. Cabe destacar o bon debut de Óscar como novo porteiro do equipo, pola baixa de Rego. Para a semana o equipo terá outra oportunidade de volver engancharse na clasificación ante A Fervenza  o domingo ás 16.00 h.

Será a última xornada da primeira volta, e seguro que o Catering quererá dar unha boa imaxe ante os seus aficionados.

ÚLTIMA HORA: KRISPY RECUPERÁNDOSE NO XIMNASIO

Última hora no club: Chegan as imaxes do xogador do Catering Ferrolterra, Krispy Vieira, ultimando a recuperación da súa lesión no ximnasio da Cidade Deportiva do club.

Todo parece indicar que en poucos días o xogador estará totalmente recuperado.

Mentres tanto, hai rumores de xente que presuntamente viron a varios integrantes do club a noite de Fin de Ano, ao parecer, en non moi boas condicións. O presidente xa se adiantou a desmentir a existencia de tales fotografías. Nos próximos días daremos máis detalles do "escándalo" levantado no entorno do club.

5 CATERING FERROLTERRA - NO PING LAS TORRES 2

Tras o último bache do equipo a semana pasada, o Catering volve aferrarse ás súas opcións na liga tras unha nova victoria, esta vez ante o No Ping Las Torres. O partido comezou complicado xa que a pesar das ocasións ningún dos dous equipos lograba transformar as súas xogadas en gol.
Finalmente o Catering logrou adiantarse no marcador, gracias a Antonio, nunha xogada non exenta de polémica arbitral por unha máis que posible falta de Justo sobre un xogador contrario.A partir de ahí o Catering encontrou máis espacios, que aproveitou o goleador Antonio para marcar outros dous goles que levaron o resultado de 3-0 ao descanso.

Na segunda parte o equipo fenés non puido empezar mellor, marcando o cuarto obra de Héctor. Despois deste gol, a relaxación en defensa do equipo provocou o primeiro tanto do No Ping Las Torres.

Xa casi ao final Antonio apuntouse o cuarto gol na súa carreira particular polo pichichi, e acto seguido o No Ping Las Torres cerrou o resultado con un auténtico golazo de xogada individual. Así se chegou ao resultado final de 5-2.

Con esta nova victoria , o equipo aférrase aos postos altos da tabla, e manten intactas as súas opcións de acabar nunha boa posición a primeira volta da liga. A próxima xornada o Catering Ferrolterra enfrentarase ao sempre difícil e correoso Tiki-Taka.

5 CATERING FERROLTERRA - PINTURAS COLORMIX 6

Derrota do equipo fenés na volta tras as vacacións de nadal ante o líder da liga, o forte equipo Pinturas Colormix.

O partido púxose de cara para o Catering Ferrolterra, marcando 3 goles nos primeiros minutos. Co resultado de 3-0 o líder despertou e comezou a remontada, ao mesmo tempo que o equipo fenés se viña abaixo. 5 goles consecutivos puxeron o marcador en 5-3.

O Catering acortou distancias, pero encontrouse cunha pronta resposta do Pinturas Colormix. Con 6-4 e porteiro xogador o Catering Ferrolterra reaccionou, e conseguiu o quinto tanto. Esto foi insuficiente, chegándose finalmente ao resultado de 6-5.

Esta derrota corta a boa traxectoria que levaba o equipo, aínda que a boa imaxe dada no partido contenta aos aficionados, que ven aínda posible acabar a temporada entre os primeiros clasificados.