4 CATERING FERROLTERRA - LUJO CARLÍN 2

Segunda victoria consecutiva para o equipo fenés que se lle puxo de cara nada máis comezar cun gol de Javi con bastante fortuna tras un erro do porteiro rival. O Catering dominou o xogo con tranquilidade durante os seguintes minutos e xusto antes do descanso Antonio marcou por partida dobre, o segundo tras unha gran xogada de combinación do equipo. Así se chegou ao descanso co resultado de 3-0.

Nada máis comezar a segunda metade o Catering sentenciou co terceiro gol de Antonio. A partir de ahí o partido baixou a intensidade, e finalmente dous despistes do equipo fenés acabaron con 2 goles do Lujo Carlín, chegándose ao resultado final de 4-2.

Con esta victoria o Catering Ferrolterra afiánzase na zona media-alta da clasificación.

Unha semana máis, a plaga de lesións notouse no equipo. Desde a enfermería do club activaron a alarma en torno a unha concentración de lesións no bíceps femoral. Espérase de todas formas que nas próximas semanas os xogadores vaian incórporandose paulatinamente aos entrenamentos.

GOLES: ANTONIO (3) , JAVI

1 BARBARROJA - CATERING FERROLTERRA 5

O Catering Ferrolterra voltou este fin de semana á senda da victoria, ante o Barbarroja, gracias en gran parte, a unha gran segunda metade do partido.

O partido resultou igualado na primeira metade, sen demasiadas ocasións e chegándose ao descanso co resultado inicial de 0-0.

Xa na segunda metade, nada máis comezar o Catering Ferrolterra adiantouse no marcador cun gol de Antonio a pase de Justo. Pouco durou a alegría, xa que o Barbarroja empatou ao pouco tempo. Máis tarde Manu fixo o 2-1 nun man a man co porteiro e acto seguido Antonio volveu ver portería para poñer o 3-1. Finalmente outros dous goles de Manu e Javi puxeron o 5-1 final.

GOLES: ANTONIO (2) , MANU (2) , JAVI

O resto de resultados da xornada foron os seguintes:

2 No Ping Las Torres - Nodo Dixital 6
3 Matojoma - Colormix 8
5 Ies Castro de Uz - Lujo Carlin 3
3 Tiki-Taka - A Fervenza 3
8 Estanco MariCarmen - Cota Cero 1

Con esto o Catering queda na sexta plaza da clasificación, afianzándose entre os 8 primeiros e sen perder o contacto coa cabeza.

Na próxima xornada o Catering Ferrolterra enfrontarase ao Lujo Carlín, o domingo 27 ás 16.00 h.

6 NODO DIXITAL - CATERING FERROLTERRA 3

Nova derrota do Catering Ferrolterra, esta vez ante o Nodo Dixital. O equipo fenés, que acudía a este partido con numerosas baixas, foi desde o principio a remolque do equipo contrario. De feito, en pouco tempo o Nodo Dixital púxose cun marcador favorable de 3-0.

Sen embargo o Catering non se rendiu, e meteuse de novo no partido con 3 goles de Antonio. Desta forma chegouse aos últimos minutos co resultado de 4-3 favorable ao Nodo Dixital.

Co porteiro-xogador o Catering Ferrolterra tentou a remontada, pero encontrouse con 2 goles máis en contra que deixaron o resultado final en 6-3.

GOLES: ANTONIO (3)

20 CATERING FERROLTERRA - MATOJOMA VENUS 3

Segunda victoria do Catering Ferrolterra da temporada ante o colista da liga, o Matojoma Venus. Partido cómodo desde o principio, que se puxo de cara nada máis comezar. O dominio do equipo fenés trasladouse nun claro 6-1 ao descanso. O Matojoma intentouno na segunda metade do partido, pero os últimos minutos convertíronse nunha constante de goles do equipo do Catering. Especialmente destacable foi o recital do "Galáctico" Antonio, con nada máis e nada menos que 13 goles. O xogador fenés saiu ovacionado do pavillón. As forzas de seguridade tuveron que escoltalo ata o autobús ante a avalancha de fans. O resto dos goles foron obra de Manu (3), Isma (2), Héctor e Justo.

Con esta victoria, o Catering Ferrolterra colle impulso na liga de novo, intentando engancharse á parte alta da liga, mentres que o Matojoma segue sen conseguir puntuar esta temporada.

2 CATERING FERROLTERRA - MUEBLES EUME 3

Segunda derrota da temporada para o equipo fenés ante o líder da liga, o Muebles Eume.

O partido comezaba ben para o Catering con un gol na primeira xogada do encontro obra de Javi. Tras este gol os dous equipos acercáronse á portería rival en varias ocasións pero sen sorte de cara ao gol. Así chegouse ao descanso co marcador favorable ao Catering por 1-0.

Xa na segunda parte, o Muebles Eume entrou máis entonado no partido, e en apenas 5 minutos deulle a volta ao marcador ata o 1-3. Esto cambiou a tónica do partido, tendo que reaccionar o Catering Ferrolterra, que dispuxo de varias ocasións pero non materializadas.

Xa nos últimos 5 minutos, con porteiro-xogador, o equipo fenés logrou marcar o 2-3 obra de Manu, e puido lograr o empate pero os postes e o porteiro rival evitaron o terceiro gol.

Con este resultado o Muebles Eume continúa de líder da liga, mentres que o Catering Ferrolterra comeza a necesitar unha boa racha de victorias para comezar a subir na clasificación.

Destacamos que no partido produciuse a lesión de Krispy, que será baixa durante aproximadamente 1 mes por unha rotura parcial no ligamento do pé dereito.

En declaracións ao diario AS, Krispy asegurou que está triste por non poder axudar ao equipo nas próximas xornadas, aínda que a decepción máis grande do fin de semana foi outra: non cobrar na quiniela.

Sin máis deixámosvos por esta semana, anunciándovos que este venres irá Rubén Justo a Punto Pelota, para defender ao equipo das últimas críticas recibidas por Hermel e Tomás Roncero.

O resto de resultados da xornada:

6 Tiki Taka - IES Castro de Uz 0
6 Pinturas Colormix - MRW Nodo Dixital 3
3 Barbarroja - Café Bar A Fervenza 1
13 Lujo Carlín - Matojoma Venus 0
1 Cota Cero - No Ping Las Torres 1